Hernani Club Rugby Elkarteko talde inklusiboa
Gizarte-integrazioko eta -kohesioko ekimen hau babesten dugu
30 Ira 2025
Orona Fundaziotik, Hernani Club Rugby Elkarteko talde inklusiboa babesten dugu. Proiektu horrek ezin hobeto islatzen du kirola gizarte-integraziorako eta -kohesiorako tresna izan daitekeela.
Hernani CRE tokiko eragile dinamizatzailea da, eta ehunka pertsona biltzen ditu elkartasuna, errespetua eta talde-lana bezalako balioen inguruan. Bere talde inklusiboaren sorrerarekin, klubak beste urrats bat eman du, pertsona guztiei ateak irekiz, haien adina, generoa edo funtzionaltasuna edozein dela ere.
Gure laguntzarekin, talde honek entrenatzeko, txapelketetan parte hartzeko eta denboran iraunkorra den egitura bat mantentzeko behar dituen baliabideak izan ditzan laguntzen dugu. Gainera, bere jardueren hedapena bultzatzen dugu, txapelketa inklusiboetatik hasi eta sentsibilizazio jardunaldietaraino, inor atzean uzten ez duen errugbi baten garrantzia ikusarazten dutenak.
